Баянхонгор сумын Засаг даргын 2023 оны 11 дүгээр сарын 17-ны өдрийн А/269 дүгээр захирамжаар Монгол Улс Анхдугаар үндсэн хуулиа баталж, Бүгд Найрамдах Улс тунхагласан өдрийн хүрээнд монголын ард түмний өв уламжлал, ёс заншил, соёлын биет бус өвийг сурталчлах, үндэсний хувцасны түүх, өв соёлоо таниулах, үлгэр дууриалал үзүүлэх, түгээн дэлгэрүүлэх зорилгоор “Дээлтэй Хонгор-2023” үндэсний хувцастай өдрийг 2023 оны 11 дүгээр сарын 24-ний өдөр зохион байгуулах гэж байна.

Баянхонгор суманд үйл ажиллагаа явуулж байгаа төрийн болон төрийн бус байгууллага аж ахуй нэгжүүдийн ажилтан, албан хаагчид, нийт иргэд та бүхнийг 2023 оны 11 дүгээр сарын 24-ний өдрийн Баасан гарагийн өдөр үндэсний хувцсаа өмсөж, уриалгад нэгдэхийг уриалж байна.

Баянхонгор сумын Засаг даргын Тамгын газар, Нийгмийн бодлогын тасаг

“ᠳᠡᠪᠡᠯ ᠲᠡᠢ ᠬᠣᠩᠭᠤᠷ ᠒᠐᠒᠓” ᠦᠨᠳᠦᠰᠦᠨ ᠦ᠋ ᠬᠤᠪᠴᠠᠰᠤ ᠲᠠᠢ ᠡᠳᠦᠷ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ ᠲᠤᠬᠠᠢ

ᠪᠠᠶᠠᠩᠬᠣᠩᠭᠤᠷ ᠰᠤᠮᠤ ᠶ᠋ᠢᠨ ᠵᠠᠰᠠᠭ ᠳᠠᠷᠤᠭ᠎ᠠ ᠶ᠋ᠢᠨ ᠒᠐᠒᠓ ᠣᠨ ᠤ᠋ ᠑᠑ ᠳᠦᢉᠡᠷ ᠰᠠᠷ᠎ᠠ ᠶ᠋ᠢᠨ ᠑᠗᠆ ᠶ᠋ᠢᠨ ᠡᠳᠦᠷ ᠦ᠋ᠨ ᠠ/᠒᠖᠙ ᠳ᠋ᠦᢉᠡᠷ ᠵᠠᢈᠢᠷᠤᠮᠵᠢ ᠪᠠᠷ ᠮᠣᠩᠭᠣᠯ ᠤᠯᠤᠰ ᠠᠩᠬᠠᠳᠤᠭᠠᠷ ᠦᠨᠳᠦᠰᠦᠨ ᠬᠠᠤᠯᠢ ᠪᠠᠨ ᠪᠠᠲᠤᠯᠠᠵᠤ᠂ ᠪᠦᢉᠦᠳᠡ ᠨᠠᠶᠢᠷᠠᠮᠳᠠᠬᠤ ᠤᠯᠤᠰ ᠲᠤᠩᠬᠠᠭᠯᠠᠭᠰᠠᠨ ᠡᠳᠦᠷ ᠦ᠋ᠨ ᢈᠦᠷᠢᠶᠡᠨ ᠳ᠋ᠦ ᠮᠣᠩᠭᠣᠯ ᠤ᠋ᠨ ᠠᠷᠠᠳ ᠲᠦᠮᠡᠨ ᠦ᠋ ᠥᠪ ᠤᠯᠠᠮᠵᠢᠯᠠᠯ᠂ ᠶᠣᠰᠤ ᠵᠠᠩᠰᠢᠯ᠂ ᠰᠣᠶᠤᠯ ᠤ᠋ᠨ ᠪᠡᠶᠡᠲᠦ ᠪᠤᠰᠤ ᠥᠪ ᠢ᠋ ᠰᠤᠷᠲᠠᠯᠴᠢᠯᠠᠬᠤ᠂ ᠦᠨᠳᠦᠰᠦᠨ ᠦ᠋ ᠬᠤᠪᠴᠠᠰᠤᠨ ᠤ᠋ ᠲᠡᠦᢈᠡ᠂ ᠥᠪ ᠰᠣᠶᠤᠯ ᠢ᠋ᠶᠠᠨ ᠲᠠᠨᠢᠭᠤᠯᠬᠤ᠂ ᠦᠯᠢᢉᠡᠷ ᠳᠠᠭᠤᠷᠢᠶᠠᠯᠠᠯ ᠦᠵᠡᢉᠦᠯᢈᠦ᠂ ᠲᠦᢉᠡᢉᠡᠨ ᠳᠡᠯᢉᠡᠷᠡᢉᠦᠯᢈᠦ ᠵᠣᠷᠢᠯᠭ᠎ᠠ ᠪᠠᠷ “ᠳᠡᠪᠡᠯ ᠲᠡᠢ ᠬᠣᠩᠭᠤᠷ ᠒᠐᠒᠓” ᠦᠨᠳᠦᠰᠦᠨ ᠦ᠋ ᠬᠤᠪᠴᠠᠰᠤ ᠲᠠᠢ ᠡᠳᠦᠷ ᠢ᠋ ᠒᠐᠒᠓ ᠣᠨ ᠤ᠋ ᠑᠑ ᠳᠦᢉᠡᠷ ᠰᠠᠷ᠎ᠠ ᠶ᠋ᠢᠨ ᠒᠔ ᠦ᠋ᠨ ᠡᠳᠦᠷ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ ᢉᠡᠵᠦ ᠪᠠᠶᠢᠨ᠎ᠠ᠃

ᠪᠠᠶᠠᠩᠬᠣᠩᠭᠤᠷ ᠰᠤᠮᠤᠨ ᠳ᠋ᠤ ᠦᠢᠯᠡ ᠠᠵᠢᠯᠯᠠᠭ᠎ᠠ ᠶᠠᠪᠤᠭᠤᠯᠵᠤ ᠪᠠᠶᠢᠭ᠎ᠠ ᠲᠥᠷᠦ ᠶ᠋ᠢᠨ ᠪᠣᠯᠤᠨ ᠲᠥᠷᠦ ᠶ᠋ᠢᠨ ᠪᠤᠰᠤ ᠪᠠᠶᠢᠭᠤᠯᠤᠯᠭ᠎ᠠ ᠠᠵᠤ ᠠᠬᠤᠢ ᠨᠢᢉᠡᠴᠡ ᠨᠦ᠋ᢉᠦᠳ ᠦ᠋ᠨ ᠠᠵᠢᠯᠲᠠᠨ᠂ ᠠᠯᠪᠠᠨ ᠬᠠᠭᠠᠭᠴᠢᠳ᠂ ᠨᠡᠶᠢᠲᠡ ᠢᠷᢉᠡᠳ ᠲᠠ ᠪᠦᢈᠦᠨ ᠢ᠋ ᠒᠐᠒᠓ ᠣᠨ ᠤ᠋ ᠑᠑ ᠳᠦᢉᠡᠷ ᠰᠠᠷ᠎ᠠ ᠶ᠋ᠢᠨ ᠒᠔ ᠦ᠋ᠨ ᠡᠳᠦᠷ ᠦ᠋ᠨ ᠪᠠᠰᠠᠩ ᠭᠠᠷᠠᠭ ᠤ᠋ᠨ ᠡᠳᠦᠷ ᠦᠨᠳᠦᠰᠦᠨ ᠦ᠋ ᠬᠤᠪᠴᠠᠰᠤ ᠪᠠᠨ ᠡᠮᠦᠰᠴᠦ᠂ ᠤᠷᠢᠶᠠᠯᠭ᠎ᠠ ᠳ᠋ᠤ ᠨᠢᢉᠡᠳᢈᠦ ᠶ᠋ᠢ ᠤᠷᠢᠶᠠᠯᠠᠵᠤ ᠪᠠᠶᠢᠨ᠎ᠠ᠃

ᠪᠠᠶᠠᠩᠬᠣᠩᠭᠤᠷ ᠰᠤᠮᠤ ᠶ᠋ᠢᠨ ᠵᠠᠰᠠᠭ ᠳᠠᠷᠤᠭ᠎ᠠ ᠶ᠋ᠢᠨ ᠲᠠᠮᠠᠭ᠎ᠠ ᠶ᠋ᠢᠨ ᠭᠠᠵᠠᠷ᠂ ᠨᠡᠶᠢᢉᠡᠮ ᠦ᠋ᠨ ᠪᠣᠳᠤᠯᠭ᠎ᠠ ᠶ᠋ᠢᠨ ᠲᠠᠰᠤᠭ