“Бүгд Найрамдах Хятад Ард Улс болон Монгол Улсын хооронд шинэ үеийн иж бүрэн стратегийн түншлэлийн харилцааг тогтоох хамтарсан мэдэгдэл”-д үндэслэн БНХАУ-ын Гансу мужийн Жьючуан хот болон Баянхонгор аймгийн Баянхонгор хотын хооронд байгуулсан найрсаг хотын харилцаа тогтоох “Санамж бичиг”-ийн хүрээнд өнөөдрийг хүртэл хамтран ажиллаж байна.

Энэ хүрээнд ХААИС-ийн Баянхонгор аймаг дахь салбар сургуульд “Хятад-Монголын найрамдал” Фейтянь танхимыг нээж, БНХАУ-ын Гансу мужийн Жьючюань мэргэжлийн техникийн коллежтай хамтын ажиллагааны гэрээ байгуулж, оюутан болон багш солилцоогоор дамжуулан Хөдөө аж ахуй, газар тариалангийн болон бусад 73 чиглэлийн мэргэжлээр суралцах боломж үүд хаалга нээгдэж байна.

Дээрхи ажлаар Жьючюань мэргэжлийн техникийн коллежийн захирал И Жи жюнь, Жьючюань мэргэжлийн техникийн коллежийн олон улсын солилцооны сургуулийн захирал Яан Чунь чен, Жьючюань мэргэжлийн болон техникийн коллежийн биологийн инженерийн сургуулийн дэд захирал Жан Тао нар орчуулагчийн хамт Баянхонгор аймагт зочилж, ХААИС-ийн Баянхонгор аймаг дахь салбар сургууль болон Политехник коллежийн удирдлагуудтай уулзан, сургалтын орчин нөхцөлтэй танилцан, цаашид хэрхэн хамтран ажиллах талаар ярилцлаа.

“ᠪᠦᢉᠦᠳᠡ ᠨᠠᠶᠢᠷᠠᠮᠳᠠᠬᠤ ᢈᠢᠲᠠᠳ ᠠᠷᠠᠳ ᠤᠯᠤᠰ ᠪᠣᠯᠤᠨ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠬᠣᠭᠤᠷᠤᠨᠳᠤ ᠰᠢᠨ᠎ᠡ ᠦᠶ᠎ᠡ ᠶ᠋ᠢᠨ ᠢᠵᠢ ᠪᠦᠷᠢᠨ ᠰᠲ᠋ᠷᠠᠲ᠋ᠧᢉᠢ ᠶ᠋ᠢᠨ ᠲᠦᠩᠰᠢᠯᠡᠯ ᠦ᠋ᠨ ᠬᠠᠷᠢᠯᠴᠠᠭ᠎ᠠ ᠶ᠋ᠢ ᠲᠣᠭᠲᠠᠭᠠᠬᠤ ᠬᠠᠮᠲᠤᠷᠠᠭᠰᠠᠨ ᠮᠡᠳᠡᢉᠳᠡᠯ”‍᠆ ᠳ᠋ᠤ ᠦᠨᠳᠦᠰᠦᠯᠡᠨ ᠪᠩᠬᠠᠦ ᠆ ᠶ᠋ᠢᠨ ᠭᠠᠩᠰᠤ ᠮᠤᠵᠢ ᠶ᠋ᠢᠨ ᠵᠢᠶᠦᠴᠢᠨ ᠬᠣᠲᠠ ᠪᠣᠯᠤᠨ ᠪᠠᠶᠠᠩᠬᠣᠩᠭᠤᠷ ᠠᠶᠢᠮᠠᠭ ᠤ᠋ᠨ ᠪᠠᠶᠠᠩᠬᠣᠩᠭᠤᠷ ᠬᠣᠲᠠ ᠶ᠋ᠢᠨ ᠬᠣᠭᠤᠷᠤᠨᠳᠤ ᠪᠠᠶᠢᠭᠤᠯᠤᠭᠰᠠᠨ ᠨᠠᠶᠢᠷᠰᠠᠭ ᠬᠣᠲᠠ ᠶ᠋ᠢᠨ ᠬᠠᠷᠢᠯᠴᠠᠭ᠎ᠠ ᠲᠣᠭᠲᠠᠭᠠᠬᠤ “ᠰᠠᠨᠠᠮᠵᠢ ᠪᠢᠴᠢᢉ”᠆ ᠦ᠋ᠨ ᢈᠦᠷᠢᠶ ᠡᠨ ᠳ᠋ᠦ ᠥᠨᠦᠳᠦᠷ ᠢ᠋ ᢈᠦᠷᠲᠡᠯ᠎ᠡ ᠬᠠᠮᠲᠤᠷᠠᠨ ᠠᠵᠢᠯᠯᠠᠵᠤ ᠪᠠᠶᠢᠨ᠎ᠠ᠃

ᠡᠨᠡ ᢈᠦᠷᠢᠶ ᠡᠨ ᠳ᠋ᠦ ᠬᠠᠮᠢᠭᠰᠠ ᠶᠢᠨ ᠪᠠᠶᠠᠩᠬᠣᠩᠭᠤᠷ ᠠᠶᠢᠮᠠᠭ ᠳᠠᢈᠢ ᠰᠠᠯᠪᠤᠷᠢ ᠰᠤᠷᠭᠠᠭᠤᠯᠢ ᠳ᠋ᠤ “ᢈᠢᠲᠠᠳ ᠮᠣᠩᠭᠣᠯ ᠤ᠋ᠨ ᠨᠠᠶᠢᠷᠠᠮᠳᠠᠯ” ᠹᠧᠶᠢᠲ᠋ᠶᠠᠨᠢ ᠲᠠᠩᢈᠢᠮ ᠢ᠋ ᠨᠡᢉᠡᢉᠡᠵᠦ᠂ ᠪᠩᠬᠠᠤ ᠠ᠆ ᠤ᠋ᠨ ᠭᠠᠩᠰᠤ ᠮᠤᠵᠢ ᠶ᠋ᠢᠨ ᠵᠢᠶᠦᠴᠢᠶᠠᠨᠢ ᠮᠡᠷᢉᠡᠵᠢᠯ ᠦ᠋ᠨ ᠲᠧᢈᠨᠢᢉ ᠦ᠋ᠨ ᠻᠣᠯᠯᠧᠵᠢ ᠲᠠᠢ ᠬᠠᠮᠲᠤ ᠶ᠋ᠢᠨ ᠠᠵᠢᠯᠯᠠᠭᠠᠨ ᠤ᠋ ᢉᠡᠷ᠎ᠡ ᠪᠠᠶᠢᠭᠤᠯᠵᠤ᠂ ᠣᠶᠤᠲᠠᠨ ᠪᠣᠯᠤᠨ ᠪᠠᠭᠰᠢ ᠰᠣᠯᠢᠯᠴᠠᠭ᠎ᠠ ᠪᠠᠷ ᠳᠠᠮᠵᠢᠭᠤᠯᠤᠨ ᢈᠥᠳᠡᢉᠡ ᠠᠵᠤ ᠠᠬᠤᠢ᠂ ᠭᠠᠵᠠᠷ ᠲᠠᠷᠢᠶᠠᠯᠠᠩ ᠤ᠋ᠨ ᠪᠣᠯᠤᠨ ᠪᠤᠰᠤᠳ ᠗᠓ ᠴᠢᢉᠯᠡᠯ ᠦ᠋ᠨ ᠮᠡᠷᢉᠡᠵᠢᠯ ᠢ᠋ᠶᠡᠷ ᠰᠤᠷᠤᠯᠴᠠᠬᠤ ᠪᠣᠯᠤᠮᠵᠢ ᠡᢉᠦᠳᠡ ᠬᠠᠭᠠᠯᠭ᠎ᠠ ᠨᠡᢉᠡᢉᠡᢉᠳᠡᠵᠦ ᠪᠠᠶᠢᠨ᠎ᠠ᠃

ᠳᠡᢉᠡᠷᠡᢈᠢ ᠠᠵᠢᠯ ᠢ᠋ᠶᠠᠷ ᠵᠢᠶᠦᠴᠢᠶᠠᠨᠢ ᠮᠡᠷᢉᠡᠵᠢᠯ ᠦ᠋ᠨ ᠲᠧᢈᠨᠢᢉ ᠦ᠋ᠨ ᠻᠣᠯᠯᠧᠵᠢ ᠶ᠋ᠢᠨ ᠵᠠᢈᠢᠷᠤᠯ ᠢ ᠵᠢ ᠵᠦᠨ ᠢ᠋᠂ ᠵᠢᠶᠦᠴᠢᠶᠠᠨᠢ ᠮᠡᠷᢉᠡᠵᠢᠯ ᠦ᠋ᠨ ᠲᠧᢈᠨᠢᢉ ᠦ᠋ᠨ ᠻᠣᠯᠯᠧᠵᠢ ᠶ᠋ᠢᠨ ᠣᠯᠠᠨ ᠤᠯᠤᠰ ᠤ᠋ᠨ ᠰᠣᠯᠢᠯᠴᠠᠭᠠᠨ ᠤ᠋ ᠰᠤᠷᠭᠠᠭᠤᠯᠢ ᠶ᠋ᠢᠨ ᠵᠠᢈᠢᠷᠤᠯ ᠶᠠᠭᠠᢈᠢᠨ ᠴᠤᠨᠢ ᠴᠧᠨ᠂ ᠵᠢᠶᠦᠴᠢᠶᠠᠨᠢ ᠮᠡᠷᢉᠡᠵᠢᠯ ᠦ᠋ᠨ ᠪᠣᠯᠤᠨ ᠲᠧᢈᠨᠢᢉ ᠦ᠋ᠨ ᠻᠣᠯᠯᠧᠵᠢ ᠶ᠋ᠢᠨ ᠪᠢᠣᠯᠤᢉᠢ ᠶ᠋ᠢᠨ ᠢᠨᠵᠧᠨᠧᠷ ᠦ᠋ᠨ ᠰᠤᠷᠭᠠᠭᠤᠯᠢ ᠶ᠋ᠢᠨ ᠳᠡᠳ᠋ ᠵᠠᢈᠢᠷᠤᠯ ᠵᠠᠩ ᠲᠠᠭ᠎ᠠ ᠨᠠᠷᠠ ᠣᠷᠴᠢᠭᠤᠯᠤᠭᠴᠢ ᠶ᠋ᠢᠨ ᠬᠠᠮᠲᠤ ᠪᠠᠶᠠᠩᠬᠣᠩᠭᠤᠷ ᠠᠶᠢᠮᠠᠭ ᠲᠤ ᠵᠣᠴᠢᠯᠠᠵᠤ᠂ ᠬᠠᠮᠢᠭ᠋ᠰ ᠆ ᠤ᠋ᠨ ᠪᠠᠶᠠᠩᠬᠣᠩᠭᠤᠷ ᠠᠶᠢᠮᠠᠭ ᠳᠠᢈᠢ ᠰᠠᠯᠪᠤᠷᠢ ᠰᠤᠷᠭᠠᠭᠤᠯᠢ ᠪᠣᠯᠤᠨ ᠫᠣᠯᠢᠲ᠋ᠧᢈᠨᠢᠻ ᠻᠣᠯᠯᠧᠵᠢ ᠶ᠋ᠢᠨ ᠤᠳᠤᠷᠢᠳᠤᠯᠭ᠎ᠠ ᠨᠤᠭᠤᠳ ᠲᠠᠢ ᠠᠭᠤᠯᠵᠠᠨ᠂ ᠰᠤᠷᠭᠠᠯᠲᠠ ᠶ᠋ᠢᠨ ᠣᠷᠴᠢᠨ ᠨᠥᢈᠦᠴᠡᠯ ᠲᠡᠢ ᠲᠠᠨᠢᠯᠴᠠᠨ᠂ ᠴᠠᠭᠠᠰᠢᠳᠠ ᢈᠡᠷᢈᠢᠨ ᠬᠠᠮᠲᠤᠷᠠᠨ ᠠᠵᠢᠯᠯᠠᠬᠤ ᠲᠠᠯ᠎ᠠ ᠪᠠᠷ ᠶᠠᠷᠢᠯᠴᠠᠯ᠎ᠠ᠃